3.6

Steinvað

Þar sem stöð­ugur straumur vatns rennur yfir stíginn, en ekki er talin þörf á brú eða lokuðu ræsi, er hægt að leggja steinlag í strauminn sem hægt er að ganga yfir. Stein­unum er þannig raðað að þeir breikka yfir­borð straumsins og þar af leið­andi lækkar yfir­borð vatnsins. Uppröðun stein­anna er með sama hætti og þegar stein­lögn er lögð.  Stein­unum er stungið niður þétt saman og uppröðun þeirra hagað þannig að yfir­borð þeirra lækkar við miðju straumsins og hækki upp að bökkum hans.

Forðast skal beinar línur í samskeytum stein­anna til að auka burð og gæta þarf þess að stein­arnir séu nógu stöð­ugir til þess að þola straum vatnsins og áhrif frosts.

Hægt er að láta nokkra steina standa aðeins hærra upp úr vatns­yf­ir­borðinu sem hægt er að stíga á þurrum fótum.

Einnig er hægt að brúa vað með því að leggja aðeins stiklur sem ná yfir vatns­yf­ir­borðið. Gæta þarf hins vegar þess að þær séu ekki lagðar of þétt saman til þess að hindra ekki vatns­flæðið sem gæti breytt farvegi vatnsins.

Steinvað
Steinvað