Mynd­merki

Vegrún notar fjölda mynd­merkja til að koma upplýs­ingum af ýmsum toga á fram­færi. Mynd­merkin eru allt frá hefð­bundnum salern­is­merk­ingum yfir í merki sem benda gestum á að gera ekki þarfir sínar úti í nátt­úr­unni.

Mynd­merkin eru teiknuð með það í huga að þau falli vel að letrinu Stika Sans og séu læsileg í öllum stærðum. Merkin byggja á þekktum og reyndum alþjóð­legum grunni. En þau eru aðlöguð aðstæðum og þörfum ferða­mennsku á Íslandi og hafa á sér einkenn­andi blæ.

Sækja má öll mynd­merkin saman í einum pakka, hér neðst á síðunni, eða stakt merki fyrir sig. Hvert merki kemur í lita­sam­setn­ingum fyrir alla lita­mögu­leika Vegrúnar, í bitmap (PNG) og vektor (PDF) útgáfum.

Þjón­ustu­merki vísa til tiltek­innar þjón­ustu sem gestur svæð­isins getur fundið og nýtt sér.

Leið­bein­andi mynd­merki benda á hvernig má og á að nýta umhverfið í kring. Leið­beina gestum svæð­isins.

Hættur og aðvar­anir vara okkur við vara­sömum aðstæðum í nátt­úr­unni, auk þess að benda á möguleg hjálp­ar­tæki í slíkum aðstæðum.

Þessi merki eru fram­sett í litnum Kvika, til að skera sig úr umhverfinu. Setja má þau í enn meira áber­andi fram­setn­ingu með því að láta þau sitja á Brenni­steins-gulum grunni. Sjá nánar í kafl­anum Örygg­is­merk­ingar.

Allar þjón­ustur og leið­bein­ingar geta verið með bann­merki yfir, sem snýr við mein­ingu merk­isins. Tjald án bann­merkis merkir tjald­væði — með bann­merki að bannað sé að tjalda.

Hér má sækja helstu mynd­merki sem eru líkleg til að þurfa bann­merki, auk nokk­urra sem aðeins eru til í bann­merkja­út­gáfu — eins og B021: Bannað að kúka.

Merking á erfið­leika­stigi göngu­leiðar er góð og mikilvæg leið til þess að miðla upplýs­ingum til gang­andi vegfar­anda. Það getur bæði bein­línis verið hættu­legt fyrir lítt vant göngu­fólk að ganga leiðir sem þarfnast tækni­legrar kunn­áttu sem og mikil líkam­legs þróttar og það getur einnig haft mikil og neikvæð áhrif á upplifun göngu­fólks á náttúru landsins. Það er því mikil­vægt að vel sé gert þegar erfið­leika­stig á göngu­leiðum er ákvarðað.

Á liðnum miss­erum hefur verið unnið að skil­grein­ingu á erfið­leika­stigum göngu­leiða hér á landi, en með auknum fjölda ferða­manna, innlendum sem og erlendum, hefur fjölgað mjög í röðum þeirra sem njóta landsins með útivist. Í merk­inga­handbók frá árinu 2011, var stuðst við þrjú erfið­leika­stig fyrir þá aðila sem ekki þurftu sérstaka aðstoð eins og hjóla­stól eða göngustaf. Víða erlendis hefur erfið­leika­stigum verið að fjölga til að tryggja megi nákvæmari skil­grein­ingu á göngu­leiðum og þar af leið­andi betri og jákvæðari upplifun á göngu­leiðum fyrir ferða­menn.

Því miður er þessari vinnu ekki lokið. Sumarið 2021 mun vinnu­hópur um erfið­leika­stig taka út mjög þekktar og lítt þekktar göngu­leiðir út frá fyrir­fram skil­greindum kvörðum. Verður sú vinna m.a. nýtt til að rýna frekar göngu­leiðir og erfið­leika­stig þeirra. Stefnt er að því að niður­staða vinn­unnar verði gerð skil ekki seinna en í lok sept­ember 2021 og verður hún í kjöl­farið aðgengileg á þessari síðu.

Mikil­vægt er að nota réttar samsetn­ingar á litum á mynd­merkjum, eftir hvaða grunn­litur er notaður í viðkom­andi skilti. Sjá nánar í kafla um grunn­liti.

Hvert merki hefur þegar verið útbúið í öllum útfærslum og heita skjölin eftir lita­út­gáfum.

Hættu- og aðvar­ana­mynd­merki eru ávallt notuð í kvikulit (rauðum) óháð bakgrunni.

Hægt er að sækja stök mynd­merki með því að smella á viðkom­andi merki hér að ofan, en einnig má sækja öll mynd­merkin í einu .zip skjali hér að neðan.