Kort
Gott kort getur verið einn áhugaverðasti og mikilvægasti hluti skiltis og því ber að vanda vel framsetninguna á þeim.
Kortaþörf og -framsetning getur verið mjög misjöfn eftir skiltum. Einnig er þekkt að kortagerð getur verið vandasamt og langt ferli, enda mikil vinna og þekking sem liggur að baki á góðu korti.
Vegrún mun leitast við að aðstoða kortavinnslu, með því að bjóða upp á stafræna lausn sem felst í að hægt verður að sækja grunn að korti hér í glugganum að ofan, sem nýtist sem grunn-upplýsingar og byrjun á góðu korti.
Þetta er þó aðeins grunnurinn, því leggja þarf síðan ofan á hana upplýsingarnar um það sem kortið á að innihalda.
Athugið
Verið er að vinna í kortaeiningu Vegrúnar og ekki búið að kveikja á möguleikum sem verða í boði, ss. að sækja kortagrunn úr glugganum hér að ofan til að nýta sem bakgrunn í kortagerð.
Þó er hægt að fá sendan kortagrunn úr Mapbox kerfi Vegrúnar með því að senda póst á vegrun@godarleidir.is.
Hér að neðan eru dæmi um hráa kortagrunna sem hafa verið keyrðir úr úr Vegrúnu.
Kort úr Mapbox 
Kort úr Mapbox 
Kort úr Mapbox
Eftir að grunnurinn er fenginn má vinna ofan í hann það efni sem er viðeigandi fyrir hvert kort. Hér að neðan má sjá dæmi hvernig grunnkort úr Mapbox hefur verið unnið áfram yfir í gönguleiðakort fyrir Þjóðgarðinn Snæfellsjökul.
Athugið
Skv. skilmálum Mapbox er skilyrði að merkja prent sem nýta Mapbox grunninn með: © Mapbox, © OpenStreetMap