Vegprestar

Vegprest­arnir eru líklega einföld­ustu skiltin sem eru í Vegrúnu, að stik­unum undan­skildum. Þeir inni­halda í raun ekki miklar upplýs­ingar, sem gerir þá auðvelda í fram­leiðslu, en um leið eru þeir mögu­lega mikil­væg­ustu skiltin í kerfinu.

Vegprestur byggir á svip­uðum einingum og almennt skilti. Skór neðst við jörðina sem heldur í viðar­stoðina, sem er þó lengri hér en í hæstu almennu skilt­unum … eða 250 cm frá jörðu og upp yfir hatt.

Efst situr hattur, en fyrir neðan hann má setja allt að þrjár hæðir af örvum. Hver hæð getur inni­haldið mest fjórar örvar, sem þýðir að hefð­bundinn vegprestur í Vegrúnu getur vísað á allt að 16 staði.

Allir vegprestar eru í fastri hæð, 250 cm. Hver ör er 12 cm há og 84 cm breið.

Hæg er að festa örvar á vegprestana með 45° bili á staurinn, en alltaf verður að vera minnst 90° á milli tveggja örva á sömu hæð.

Þar sem stoðin sjálf er fern­ingslaga, með flatar hliðar, eru örvarnar festar á með þar til gerðum vinklum sem eru beygðir í annað­hvort 90° eða 135° horn. Þeir klemma á milli sín örina sjálfa og eru síðan festir á sjálfan staurinn.

Á mynd­inni hér að ofan má sjá teikn­ingu, séð ofanfrá, hvernig hver ör er fest annað­hvort á flata hlið eða horn stoð­ar­innar.